وفا میں اب یہ ہنر اختیار کرنا ہے Ghazals Point - H. Malik Collections

https://www.facebook.com/ghazalspoint.hmalikcollections

وفا میں اب یہ ہنر اختیار کرنا ہے

وہ سچ کہے نہ کہے اعتبار کرنا ہے

یہ تجھکو جاگتے رہنے کا شوق کب سے ہوا

مجھے تو خیر تیرا انتظار کرنا ہے

ہوا کی زد میں جلانے ہیں آنسوؤں کے چراغ

کبھی یہ جشن سرِ رہگزر کرنا ہے

وہ مسکرا کے نئے وسوسوں میں ڈال گیا

خیال تھا کہ اسے شرمسار کرنا ہے

تیرے فراق میں دن کس طرح کٹے اپنے

کہ شغلِ شب تو ستارے شمار کرنا ہے

چلو یہ اشک ہی موتی سمجھ کے بیچ آئیں

کسی طرح تو ہمیں روزگار کرنا ہے

خدا خبر یہ کوئی ضد کہ شوق ہے محسن

خود اپنی جان کے دشمن سے پیار کرنا ہے..