زخم کھاؤں، تجھے تلوار بھی میں لا کر دوں Ghazals Point - H. Malik Collections

https://www.facebook.com/ghazalspoint.hmalikcollections

زخم کھاؤں، تجھے تلوار بھی میں لا کر دوں

پست قامت ہو تو دستار بھی میں لا کر دوں

میں نے اظہار کی کُنجی تو تجھے لا دی تھی

اب تجھے،، جرات ِ اظہار بھی میں لا کر دوں

کیا تيرے حُسن پہ، میں پہلے فدا ہو جاؤں

اور پھر خود سا پرستار بھی میں لا کر دوں

کوئی بازار سجا بھی تو،،،،،،،، یہ ناممکن ہے

تجھ کو گفتار بھی کردار بھی میں لا کر دوں

یہ محبت میں ميرے دوست کہاں لکھا ہے،؟

تجھ کو انکار پہ اقرار بھی،،،،، میں لا کر دوں

جب کوئی شعر نہ ہو پائے،، تو وہ کہتا ہے

اُس کو بِکتا ہوا فنکار بھی میں لا کر دوں،

کاتب ِ وقت نے،،،،،،،،،،،، کچھ سوچ لکھا ہو گا

بے خبر شخص کو "اخبار" بھی میں لا کر دوں